Me vendimin e djeshëm për Grupin Drenica, Partisë Demokratike të Kosovës iu bëhen tre kryetar të komunave të dënuar me burg.
Fillimisht është kryetari i Komunës së Prizrenit, Ramadan Muja i cili për vite të tëra ka probleme me ligjin. Pavarësisht kësaj, ai fitoj zgjedhjet dhe vazhdon të jetë kryetar komune.
Ngjashëm sikurse bashkëpartiaku, edhe Sami Lushtaku e Nexhat Demaku janë dy kryetar të dënuar, që qeverisin me komunat e rajonit të Drenicës.
Sami Lushtaku, kryetar i Skenderajt dje është dënuar me 12 vjet heqje lirie, derisa kryetari i Drenasit, Nexhat Demaku është dënuar me 3 vjet burg.
Një tjetër kryetar komune nga PDK-ja ishte edhe Xhabir Zharku, ish kryetar i komunës së Kaqanikut. Zharku dha dorëheqje pas vendimit të Gjykatës Supreme, e cila vërtetoi aktgjykimin e shkallës së parë të gjykatës me të cilin ai u shpall fajtor dhe u dënua me tre vjet burg për vepër penale detyrim dhe 1.500 euro dënim me gjobë për vepër penale armëmbajtje pa leje.