Pa kënaqësitë brenda Vetëvendosjes janë duke vazhduar nëpër qendra të Kosovës për shkak të ngufatjes së demokracisë.
Dorëheqja e fundit vjen nga Vitia e asamblesites, Besjana Rexhepi.
Ajo ka shkruar në rrjetin social Facebook se nuk i takon më Vetëvendosjes, për shkak se konsideron që kishte mungesë të demokracisë dhe cenzurë.
Ky është njoftimi i asamblesites Rexhepi për largimin nga Vetëvendosje:
Të dashur familjarë, shoqëri e gjerë dhe shumë të respektuar qytetarë të Vitisë!
Tashmë u bën 29 muaj nga të qenurit asambleiste ( e Lëvizjes Vetëvendosje) në Kuvendin Komunal të Vitisë, muaj këto me përplot aktivitete dhe angazhime pune për mirëqenien e qytetarëve tanë.
Mirëpo përfaqësimi i tillë padyshim se kërkon përgjegjësi dhe përkushtim të lartë, por bazuar në funksionalitetin e përfaqësimeve të tilla për mua si asambleiste kishte barriera intrapartiake( brenda partiake) të shoqëruara me cenzurë, mungesë demokracie dhe favorizim klanesh, për të cilat jam munduar të i luftoj në mënyrë që gjithnjë të jem sa më afër juve.
Prandaj, tani e tutje bashkëqytetarë të Vitisë, zëri i juaj do të dëgjohet akoma më fuqishëm, meqë unë NUK do t’i takoj asnjë SUBJEKTI POLITIK, do të jem e PAVARUR.
Me respekt,
Besjana Rexhepi
Asambleistja e Pavarur e Kuvendit Komunal të Vitisë!
