Ministri i Punës dhe Mirëqenies Sociale Arban Abrashi priti sot në takim ambasadoren e Kanadasë në Zagreb, njëherësh ambasadore jo-rezidente për Kosovë, Louise LaRocque.
Në këtë takim, ministri Abrashi shpalosi prioritetet e Ministrisë në fushën e punësimit dhe në krijimin e një mjedisi sa më të favorshëm social për qytetarët e vendit.
Abrashi dhe LaRocque bashkëbiseduan edhe për skemën kanadeze ‘Work and Travel’ si dhe mundësinë e përfitimit nga trajnimet profesionale nga Kanada.
Në këtë aspekt, Ambasadorja LaRocque ofroi gatishmërinë e saj për ta ndihmuar Ministrinë e Punës dhe Mirëqenies Sociale në fushat të ndryshme të interesit të përbashkët.