(E plotësuar) Përfaqësuesi i familjarëve të pagjetur, Bajram Qerkinaj, në seancën plenare të Kuvendit të Kosovës për të shënuar 27 Prillin-Ditën e Personave të Pagjetur, tha se liria për familjet e të personave të pagjetur nuk është kuptimplotë sepse ata vazhdojnë të jetojnë me dhimbje e pritje, dhe kjo duhet të jetë udhërrëfyes për të gjithë drejtuesit e institucioneve tona.
Ai tha se tha si familjar dhe qytetar i Kosovës ka emocione të përziera pasi që është shumë rënd të flas në shënimin e datave të tragjedive të popullit tonë ku shënohet vrasja e mira më të dashurve tonë.
“Zhdukja masive e njerëzve na ka përcjellë me gjeneratë pas gjenerate në Kosovë dhe lutemi që kurrë mos të ketë luftë më. Na duhet përkrahje nga ju deputetë që jo vetëm të flisni për politikë por të bëni presion të ndërkombëtarët në mënyrë që Serbia të tregojë për fatin e të dashurve tonë”, ka thënë ai.
Ai në emër të familjeve të të pagjeturve ka drejtuar disa kërkesa për institucionet e Kosovës dhe ato ndërkombëtare.
“Kërkojmë përshpejtimin e gjetjen e të pagjeturve, të veprojnë mekanizmat e drejtësisë dhe kryerësit e krimit serb të dalin para drejtësisë, në dialog të përfshihet çështja e të pagjeturve, përmirësimi e amendamenteve për personat e pagjetur, të përmbushet premtimi me shkrim për ngritjen e Memorialit për të zhdukur, të fuqizohet komisioni qeveritar për persona të pagjetur”, ka thënë ndër tjerash Qerkinaj.
Kajtazi: Serbia po përdor të pagjeturit për përfitime politike
Kuvendi i Kosovës është duke mbajtur seancë të veçantë për 27 prillin, Ditën Kombëtare të Pagjeturve.
Kryetarja i Komisionit për të Drejtat e Njeriut, Barazi Gjinore, për Persona të Pagjetur dhe Peticione, Lirie Kajtazi tha se nuk ka më arsye që të mos dihet rreth të pagjeturve.
Ajo tha para deputetëve se Serbia po i përdor të pagjeturit për përfitime politike.
Sipas Kajtazit, zbardhja e fatit dhe vendndodhja e personave ta pagjetur vazhdon të jetë preokupim i familjarëve por edhe i institucioneve.
Por për të zgjidhur këtë çështje sa më shpejt, Kajtazi ka kërkuar një presion më të madh ndërkombëtar ku sipas saj dihet se agresioni i serbëve bërë ndaj shqiptarëve ishte shtetërorë dhe një gjë e tillë sipas saj mund të dokumentohet më lehtë.
