Lutfi Haziri me shumë qetësi i ka pranuar akuzat e PDK-së se ai po bënë spastrime politike, në vend se të merret me riformatimin e paralajmëruar.
Haziri për rajonipress tha se vetëm dega e PDK-së në Gjilan dorëheqjet i kualifikon si spastrim.
”Më vjen keq prej këtij grup shkruesi deklaratash dhe besoj shumë që kryesia e PDK-së në Gjilan duhet të tregojë se kush është prapa kësaj deklarate. Dorëheqja e Bajram Isufit, nga pozita e drejtorit ekzekutiv në ‘Eco – Higjiena’, është akt personal. Sa i përket anës sime, ai mundet qysh nesër të kthehet në detyrën e tij”, ka tha Haziri.