Kryetari i Komunës së Prishtinës, Shpend Ahmeti priti sot në takim ambasadorin e Britanisë së Madhe në Kosovë Ruairi O’Connell.
Kryetari Ahmeti i dëshiroi ambasadorit O’Connell mirëseardhje si dhe është shprehur i gatshëm për vazhdimin e bashkëpunimit në fusha që janë me interes të përgjithshëm.
Kryetari Ahmeti e njoftoi ambasadorin O’Connell lidhur me sfidat me të cilat ballafaqohet qeverisja komunale, si dhe projektet e shumta që janë të planifikuara me qëllim të përmirësimit të jetës së qytetarëve.
Njëkohësisht, i pari i Komunës së Prishtinës, Shpend Ahmeti, e informoi ambasadorin O’Connell lidhur me reformat në administratën publike, arsim, shëndetësi si dhe për reformimin e transportit publik.
Gjithashtu, në këtë takim u diskutua edhe për zhvillimet aktuale politike në vend, sifdat si dhe alternativat për tejkalimin e tyre.