Kryetari i veteranëve të UÇK-së pranë zyrës së kryeministrit Faik Fazliu ka thënë se 100 persona që kanë fituar statusin e veteranit ose invalidit të UÇK-së në listat e para të Zonës Operative të Llapit janë përjashtuar nga lista.
Fazliu në një debat në RTV 21 ka premtuar se javën e ardhshme do të publikohen listat e të gjitha zonave që kanë mbetur pa u publikuar.
Deri më tani janë publikuar listat e Zonës së Llapit, Shalës, Nerodimes, Pashtrikut dhe Karadakut.
Publikimi i tyre ka shkaktuar pakënaqësi në mesin e ish-ushtarëve të UÇK-së ndërsa dje është mbajtur edhe një protestë para ndërtesës së Qeverisë./KosovaPress/