Përfaqësuesit e Sindikatës së Sektorit Privat janë dakorduar për protestë si pakënaqësi ndaj mosimplementimit të kontratës kolektive dhe po ashtu për kushtet e rënda me të cilat po përballen këta punëtorë.
Kryetar i SPEVZ, Jusuf Azemi, gjatë një mbledhje tha se përkundër pritjeve të tyre takimeve të shumta me njerëz kompetent, kërkesat e tyre nuk u përmbushen dhe nuk kane zgjidhje tjetër pos të thirrin protestë.
Mes tjerash, u përmendën padrejtësitë ndaj punëtorëve, largimet nga puna, pagat e ulëta e shumë shqetësime të tjera.
Me dakordimin e të gjithë pjesëmarrësve përfaqësues të sindikatës u vendos që të thirret një protestë, hapat e së cilës do të bëhen të ditur në ditët në vijim. Protesta është paraparë për ditën e enjte me fillim prej orës 10:00./kp
