Shumë gjëra të mbrapshta kanë ndodhur dhe vazhdojnë të ndodhin në shtetin tonë të cilat shoqërinë tonë e kanë sjellë në një gjendje anarkie ku askush ma nuk i beson askujt dhe shpresa për një të ardhme në shtetin e tyre nuk ekziston më, sepse ja vranë ata që udhëhoqën këtë shtet me veprimet e tyre më kriminale ndajë popullit të vetë.
Saim Tahiraj, veprimtari i hershëm i LDK-së në diasporë, bashkëluftëtarë dhe bashkorganizator i luftës në Kosovë me Sali Çekajn, thotë për gazetën “Bota sot” se, edhe deklaratat e gjykatësit Sokol Dobruna i sheh si pjesë e pandashme e këtyre veprimeve kriminale të një kaste të ndyrë që shkatërroj ç'do gjë shtetërore, duke e sjellë Kosovën buzë shkatërrimit definitiv.
“Të deklarosh sot haptas për mesë mjeteve të informimit se ka pasur një gjykatë ushtarake ku kryetarë i kësaj Gjykate ka qenë ky farë gjykatësi Sokol Dobruna dhe se ka dënuar me pushkatim personalitete që i kanë takuar organizimit institucionalë të udhëhequr nga Presidenti Rugova, madje deklaron në mënyrë shumë të qetë dhe me krenari, unë mendoj se kemi të bëjmë me një njeri me një shpirt kriminalë mu ashtu si vetë organizata kriminale që e ka emëruar këtë alamet gjykatësi”, thotë Tahiraj.
Ai mendon se, sikur të ishte në një shtet normal me institucione kredibile të drejtësisë, ky farë gjykatësi duhej menjëherë të vihej nën pranga, të burgoset dhe të fillojnë hetimet ndaj tijë.
“Por kjo nuk ndodhë në shtetin tonë, sepse në krye të tij janë po ata që e kanë themeluar atë gjykatë ushtarake dhe e kanë emëruar kryetarë të sajë këtë farë alamet gjyqtari, dhe me siguri pikërisht këta e urdhërojnë që të dali me këto deklarata të cilat e terrorizojnë opinionin shqiptarë duke e lajmëruar se neve jemi po ata që ju kemi vrarë dje dhe se nëse nuk heshtni do ju vrajmë prapë edhe sot. Kjo bëhet për të i kërcënuar në prag të formimit të Gjykatës Speciale, që askush mos të ketë guximin me e përkrahë formimin e sajë”, pohona ai.
Më tej Tahiraj thekson se, edhe nëse formohet Tribunali, ky është edhe një kërcenim që shkon në drejtim të dëshmitarëve që askush nga ta mos ta ketë guximin me dëshmuar për vrasjet politike që kanë ndodhur para, gjatë dhe pasë luftës në Shqipëri dhe Kosovë.
“Kjo është arsyeja kryesore e këtij mesazhi terrorizues, sepse ky farë alamet Gjykatësi e paraqet si jo legjitime formimin e Gjykatës Speciale dhe se është për ta njollosur luftën çlirimtare. Formimi i Gjykatës speciale është pikërisht për të u pastruar Lufta e drejtë çlirimtare e popullit të Kosovës, nga elementë kriminelë që ende vazhdojnë ta njollosin këtë luftë të shenjët të popullit tonë, e një elementë i tillë jeni edhe ju me veprimet e juaj vrastare. Prandaj ju pengon formimi i sajë alamet Gjykatës”, pohon ai.
Tahiraj e pyet këtë gjyqtarin se me çfarë legjitimiteti e formuan këtë Gjykatë Ushtarake, cili ishte institucioni autoritativ që formoj këtë Gjykatë, kur dihet se në atë kohë kishim institucione kredibile shtetërore që kanë buruar nga vota e lirë e popullit, institucione që ju ka prirë Presidenti Rugova, të cilat punonin me ligjet tona të bazuara në Kushtetutën e Kaçanikut. Pra sipas tij, kjo u rikonfirmua edhe disa herë pasë lufte në zgjedhje shumë demokratike që u mbajtën në Kosovë ku ju dha besimi i plotë nga populli i Kosovës Presidentit Rugova.
“Ti Gjykatësi i asaj Gjykate Ushtarake e cila u formua nga një organizatë ilegale e cila nuk e kishte votën dhe mbështetjen e popullit, nga e cila u emërove në postin e kryetarit të sajë dhe dënove me ligjet e Jugosllavisë personalitetet e rëndësishme të institucioneve kredibile shtetërore të cilat ishin formuar me votën e lirë të popullit të Kosovës dhe ju printe Presidenti Rugova që kishte përkrahjen absolute të tyre. Ti alamet Gjykatësi Sokol Dobruna a e dije se populli i Kosovës nuk e njihte më Jugosllavinë si shtet të tyre, sepse ai kishte shpallur shtetin e vetë Republikën e Kosovës”, pyet Tahiraj.
Tahiraj vazhdon me pyetjet tjera drejt Sokol Dobrunës, a e dije se populli i Kosovës nuk i njihte ma institucionet e Jugosllavisë, sepse kishte institucionet e veta të shtetit të vetë Republikës së Kosovës të dala nga vota e lirë e tyre? “Ti alamet gjykatësi Sokol Dobruna, a e dije se këto institucione punonin me ligjet e Republikës së Kosovës të cilat i kishin harmonizuar me Kushtetutën e Kaçanikut?
Ai ia përkujtoj se që nga viti 1991 në komunën e Deçanit, në krye të së cilës ishte i madhi Heroi Sali Çeku punohej me këto ligje.
“Unë mendoj se ka ardhur koha që institute tona kredibile, me specialist kredibil të fushave përkatëse, të merren me analiza të mirëfillta shkencore për të gjitha zhvillimet që ndodhen në Kosovë dhe Shqipëri që nga viti 1989 e gjerë me sot. Nga këto analiza do të dalin fakte reale për të gjitha zhvillimet dhe aktivitetet e institucioneve të shtetit, aktivitetet e të gjitha organizatave politike, aktivitetet e personave që kanë qenë drejtues dhe anëtarë të këtyre organizatave dhe të dilet me vlerësime serioze të bazuara në fakte se kush kanë qenë këto organizata dhe kush kanë qenë në të vërtetë personat drejtues të tyre”, shton ai.
Sipas tij, në kuadër të këtyre analizave të vlerësohet edhe kjo farë Gjykate Ushtarake, të verifikohet edhe personaliteti i këtij farë Gjykatësi dhe opinioni shqiptarë të ketë një pasqyrë të saktë për këtë person dhe të gjithë të tjerët dhe mos të terrorizohet me deklarata të tipit të këtij Gjykatësi.
“Sikur të kishim institucione kredibile të drejtësisë në Kosovë ky farë Gjykatësi duhej të jetë një pistë shumë e rëndësishme për zbardhjen e të gjitha vrasjeve politike të Vijës institucionale të udhëhequr nga Presidenti Rugova”, përfundon Saim Tahiraj.
