Edhe deputeti i Lëvizjes Vetëvendosje, Fisnik Ismajli, ka reaguar pas arrestimit të asambleistit të Komunës së Prishtinës Ylli Hoxha.
Madje, Ismajli, drejtorin e ndërmarrje publike “Pastrimi", Feim Salihun, e ka quajtur “Harrangop.
“Hajnat e kanë zaptue shtetin, neve na ka mbetë me e çlirue”, ka shkruar Ismajli në Facebook.
Më poshtë mund të lexoni shkrimin e plotë të Ismajlit:
Sqaroma dikush: Gjyqi e pezullon Feim Salihun, drejtorin e ndërmarrjes publike "Pastrimi", me të cilën qe sa vjet ky e fëlliq qytetin, edhe policia nuk ia ndalon këtij me vazhdue me e zaptue ndërmarrjen, edhepse ka vendim gjyqësor me e ndalue, derisa e njajta polici e arreston menjiherë Ylli Hoxhën, i cili në shenjë proteste del me e ndalue Feim harrangopin me hy në zyren, në të cilën gjyqi ia ka ndalue me shkue, sepse vetë policia s'po e zbaton vendimin gjyqësor.
E bana pak me tingëllue komplikueshëm, edhe pse asht shumë e thjeshtë: Hajnat e kanë zaptue shtetin, neve na ka mbetë me e çlirue.
Qe drejtësia n'Kosovë. Ky shtet çare s'ka pa u ba! Çare!
