Deputeti i Lëvizjes Vetëvendosje, Fisnik Ismaili, në profilin e tij në Facebook, ka postuar një video ku shihet duke u munduar që t’i ndalë disa protestues që të mos thyejnë xhamat e qeverisë.
Ai në shënimin e tij në Facebook, thotë se ky vandalizëm u bë nga njerëz me qëllime të caktuara.
Lexojeni të plotë postimin e Fisnikut në Facebook:
“Kjo pjesë është nja gjysëm ore MBASI është krye protesta, ku unë edhe disa aktivistë të tjerë në çdo mënyrë jemi mundue me i ndalë ata që gjuejshin gurë. Në mesin e tyne kishte edhe djem tepër, tepër të rinj, shumë lehtë të manipulueshëm.
Në minutin 1:21 edhe dëgjohem duke thanë se është krye protesta. Organet e rendit, as nuk kanë lëvizë prej vendit për ma shumë se një orë, duke i lanë këta pak njerëz me vazhdue me demolue ndërtesën. Po të ishin këta aktivistë të Lëvizjes, i kishin xhbroshë dajak shumë, shumë moti.
Është e qartë se vandalizmi është bë nga njerëz me qëllime shumë të caktueme, me direktiva të tjetërkujt, në marrëveshje me policinë.
Vlerësoje vetë" (sic), ka shkruar Ismaili në Facebook.
