Formimi i Gjykatës Speciale pritet që të ndodh deri ka mesi i muajit shkurt. Por, nuk janë të gjitha partitë shqiptare pro një vendimi të tillë. Kundër kësaj Gjykatë është Lëvizja Vetëvendosje, e cila thekson se, themelimi i kësaj Gjykate është njollosje e luftës së drejtë të Ushtrisë Çlirimtare të Kosovës. Ndërsa, partitë tjera dhe analistët vlerësojnë se kjo është më rendësi dhe domosdoshmëri edhe për shkak të obligimeve ndërkombëtare të Kosovës, duke theksuar se nga Gjykata Speciale duhet ti frikohen vetëm ata të cilët dyshohen për krime, e sidomos sipas tyre është me rendësi që të hiqen dyshimet mbi Ushtrinë Çlirimtare të Kosovës.
Deputetja e Parlamentit të Republikës së Kosovës, nga radhët e LVV-së, Albulena Haxhiu, pohon se, kjo parti është kundër themelimit të kësaj Gjykate pasi e njollos luftën e UÇK-së, si dhe një gjykatë e tillë nuk është bërë për asnjë nga shtetet që dolën nga ish-Jugosllavia e as për Serbinë.
(Tekstin e plotë mund ta lexoni të shtunën dhe të dielën në publikimin e shtypur të gazetës kombëtare “Bota sot” në Kosovë dhe diasporë)
