Ministri i Punëve të Brendshme, Skender Hyseni, ka pritur në takim ambasadorin e Shqipërisë, në Kosovë, Qemal Minxhozi.
Hyseni dhe Minxhozi kanë diskutuar për marrëdhëniet në mes të Republikës së Kosovës dhe Shqipërisë dhe në bashkëpunimin e tyre në fushën e sigurisë.
“Të dyja vendet tona historikisht dihet se kanë pasur marrëdhënie të mira vëllazërore dhe këto marrëdhënie do të vazhdojnë të jenë edhe më tej, duke u forcuar çdo herë e më shumë”, ka thënë Hyseni.
Ndërsa, ambasadori Minxhozi, e ka uruar Hyseni për emërimin e tij, si ministër i Punëve të Brendshme. Dhe ka thënë se shteti i Shqipërisë do të vazhdojë të përkrahë Kosovën, Ministrinë e Punëve të Brendshme dhe strukturat e sigurisë në të gjitha format./A.M
