Derisa gara mes burrave të partive politike për vendet ministrore është bërë jashtëzakonisht e ashpër, një garë më e heshtur po zhvillohet edhe mes grave. Mediat kanë arritur të mësojë emrat e zonjave që pritet të përfshihet në Qeverinë e ardhshme nga Partia Demokratike e Kosovës.
Qeveria e ardhshme e koalicionit PDK-LDK pritet të ketë më shumë zonja sesa Qeveria e shkuar. Të paktën ky është zotimi i lidershipit të dy partive. Derisa në LDK përmendet Teuta Sahatçiu si një prej grave që do të përfshihet në ekzekutivin e ardhshëm, një listë me e madhe po qarkullon në PDK.
Kryesisht bëhet fjalë për gra të reja, të shkolluara në botën perëndimore dhe të dëshmuara në pozitat që kanë mbajtur më herët.
Një zyrtar i lartë i PDK’së tha se në kabinetin e ardhshëm qeveritar do të jetë Dhurata Sadiku-Hoxha, Këshilltarja aktuale e Kryeministit Thaçi, Mrika Tahiri, ish-Drejtoresha e AKP’së, Laura Zherka, një prej grave të Kryesisë së PDK’së, më pas Mrika Kotorri e Kabinetit Thaçi II, ish-ministrja Justina Shiroka Pula dhe Nënkryetarja e PDK’së, Margarita Kadriu.
“Këto janë emrat që qarkullojnë aktualisht. Sigurisht do të ketë edhe emra të tjerë, meqenëse disa femra do të sistemohen në poste zëvendësministrore”,
