Anëtari i Kryesisë së Aleancës për Ardhmërinë e Kosovës, Burim Ramadani ka reaguar pas komunikatës së lëshuar nga Lidhja Demokratike të Kosovës në të cilën thuhet se nuk ka pasur marrëveshje ndërmjet LDK-së dhe PDK-së.
Ramadani beson që LDK-ja ka bërë marrëveshje me PDK disa javë para se ta prishte Bllokun
"Ishte para-marrëveshje, jo marrëveshje
Unë hiq s'besoj që LDK-ja ka bërë marrëveshje me PDK disa javë para se ta prishte Bllokun.
Nuk e besoj këtë informatë që po e japin mediat në Kosovë. LDK si parti institucionaliste, thjesht, nuk besoj që ka bërë një gjë të tillë.
Krejt çka ka bërë ishte një para-marrëveshje, ani pse Blloku ishte në funksion. Para-marrëveshja ka qenë për çdo eventualitet!
Prandaj, mos spekuloni: ishte para-marrëveshje, jo marrëveshje.
Siç po shihet deri më tash, ata ende nuk e kanë bërë marrëveshjen komplete. Veç një marrëveshje në parim. Asgjë më shumë.
Prandaj, marrëveshja po duket të jetë më e largët.
Marrëveshje ku Kryeministri do t'i takojë partisë me fuqi më të madhe në koalicionin e ri.
Ky ka qenë parim i vetë LDK-së!
Po e kuptoni apo jo?
Urime, suksese!
"Vetëm ne mundemi" nën "Misionin e Ri", ka shkruar Ramadani në Facebook. /A.M
