Deputetja e Lidhjes Demokratike të Kosovës, Doruntinë Maloku, është shprehur kundër koalicionit LDK-PDK.
Doruntinë Maloku, përmes një postimi në rrjetin social, e quan arbitrarë vendimin e LDK-së për të hyrë në koalicion me PDK-në duke thënë se ky akt është shkelje mbi vlerat dhe parimet që LDK-ja ka kultivuar qe një çerekshekull”.
“Vendimi arbitrar i kryesisë së Lidhjes Demokratike të Kosovës për të hyrë në koalicion qeverisës me partinë që vendin tonë e ka shndërruar në shtet mafioz, PDK-në, është shkelje mbi vlerat dhe parimet që LDK-ja ka kultivuar qe një çerekshekull”, shkruan Maloku.
Deputetja Maloku, thotë se voton kundër bashkimin me partinë që përfaqëson kupolën e krimit dhe që akuzohet edhe nga NATO për vrasje politike.
“Si përfaqësuese e zgjedhur e popullit në Kuvendin e Republikës së Kosovës, kam vendosur të votoj KUNDËR këtij bashkimi të papranueshëm me partinë që përfaqëson kupolën e krimit, korrupsionit e të mafias në Kosovë! Dhe e cila madje edhe nga NATO-ja akuzohet për vrasje të politikanëve shqiptarë të Kosovës. Gjithashtu, nuk do t'i përmbahem zotimit të LDK-së për të votuar pro krye parlamentarit nga radhët e PDK-së. KUNDËR!!!”,përfundon Maloku në rrjetin social.
Ndryshe, Doruntinë Maloku është vajza e veprimtarit të shquar të LDK-së Enver Maloku i cili është vrarë pas luftës në Kosovë.