Rënia e temperaturave e gjeti Qendrën Klinike Universitare të Kosovës pa ngrohje. Për këtë po fajësohet Termokosi, e këta të fundit nuk duan të flasin për këtë problem.
Jetmiri i cili që katër ditë është shtrirë në Klinikën e Kirurgjisë së Fëmijëve në QKUK, thotë se mëngjesin e së enjtes e ka pasur shumë ftohtë.
Si Jetmiri, edhe pacientët e tjerë në QKUK janë mërdhirë pasi ngrohje nga Termokosi ende nuk ka.
Ata që pritet të qëndrojnë më gjatë në QKUK, frikën më shumë po ua kanë temperaturave në ditët e ardhshme.
Sipas zëdhënësit Shpend Fazliu, nëse pacientët mërdhijnë edhe më tutje, QKUK do të detyrohet ta përdorë ngrohjen alternative, por kjo sipas tij do t’i kushtoj këtij institucioni.