Bllokut nuk i ka mjaftuar refuzimi që presidentja Jahjaga i ka bërë kërkesës së pakicave për dërgimin e nenit 127 në Kushtetuese, ata po presin përgjigje zyrtare nga presidentja për të vendosur të mërkurën (sot) se a do t’i drejtohen apo jo Kushtetueses.
“Këtë kërkesë e kemi bërë edhe ne si parti të koalicionit të madh, por edhe pakicat me kërkesën e djeshme. Nëse përfundimisht presidentja refuzon ta bëjë këtë atëherë në do ta shqyrtojmë gjatë ditës (e mërkurë) dhe përfundimisht do të vendoset po këtë ditë nëse do t’i drejtohemi Kushtetueses”, ka thënë Vjosa Osmani nga LDK-ja.
Ajo ka bërë të ditur se Blloku ende nuk ka vendim përfundimtar, duke shtuar se një kërkesë e mundshme nga Blloku nuk do t’i drejtohet Kushtetueses vetëm për pikën 127, por edhe për tërë situatën e krijuar që nuk po mund ta zgjidhë vendimi i Gjykatës Kushtetuese.
