Një shqiptar është kapur në veri nga Policia e Kosovës, pasi që me veturën e tij po transportonte dy sirianë, të cilët kishin hyrë në veri ilegalisht.
Sirianët janë gjetur në veturën e shqiptarit, gjatë një kontrolli rutinor në rrugën rajonale Mitrovicë – Leposaviq, të dielën rreth orës 14:00. Bashkë me dy sirianët, në veturën e shqiptarit ndodhej edhe person me shtetësi kosovare.
Me urdhër të prokurorit i dyshuari shqiptar, i cili me veturën e tij po transportonte shtetasit sirianë dhe i cili dyshohet për trafikim me qenie njerëzore, është dërguar në mbajtje, ndërsa dy shtetasit nga Siria janë marrë nga Drejtoria për Migrim dhe të huaj.