Lajmi se ka persona të pakënaqur brenda bllokut LDK-AAK-Nisma dhe Lëvizjes Vetëvendosje është tërësisht i pavërtetë. Kështu bënë të ditur për “Bota sot”, Bajram Gecaj anëtar i Lidhjes Demokratike të Kosovës.
Sipas Gecajt, janë spekulime të PDK-së lajmet se brenda bllokut ka të pakënaqur dhe kjo sipas tij do të vërtetohet të enjten.
“Janë spekulime të PDK-së këto, spekulime të cilat qojnë vetëm në një konkludim - PDK është në panikë sepse gjenden në një rrugë të pakrye. Të enjten do të bien poshtë të gjitha pritjet e tyre racionale e jo-racionale”,thotë Gecaj për “Bota sot”.
Ndyshe,Zenun Pajaziti, deputet i PDK-së, u ka thënë medieve se partia e tij po i kontakton deputetët të cilët sipas tij janë nën presion nga liderët e partive të tyre dhe po presin përkrahje.