Kanë mbetur edhe tri ditë deri në përmbylljen e konkursit për rektor të Universitetit të Prishtinës.
Mësohet se deri më tani vetëm një kandidat e ka dërguar formularin për aplikim. Ndërkohë ekspertët e fushës së arsimit shprehin dyshimet e tyre se në zgjedhjen e rektorit mund të ketë ndërhyrje politike.
Sipas njohësit të kësaj fushe, Dukagjin Popovci, duhet të krijohen parakushtet që rektori i ardhshëm të jetë jashtë ndikimit të politikës ditore.