Ministria e Financave e qeverisë serbe u ka kërkuar komunave paralele në veri të Kosovës të hartojnë draftbuxhetin e tyre për vitin 2015.
Kërkesa është konfirmuar nga Marko Gjuriq, raportojnë mediat në Serbi. Kjo pavarësisht faktit që me marrëveshjen e Brukselit, Serbia është e obliguar të ndërpresë financimin e strukturave ilegale në Kosovë dhe t’i shuajë ato.
Ndërkohë që Qeveria e Kosovës nuk ka reaguar ende për të sqaruar këtë situatë, qeveria serbe po vazhdon që të ndërhyjë dhe të financoj strukturat e saj në Kosovë.
