Këtë fundjavë pritet të përfundojë rrethrrotullimi që qon drejt Veterrnikut, raporton KTV.
Megjithëse qytetarët janë ankuar se punimet te rrethi që çon drejt Veternikut janë vonuar, drejtori i Infrastrukturës, Hysen Durmishi, thekson se projekti po përfundon në afatin e paraparë.
Ai ka lavdëruar cilësinë e punëve nga punë kryerësi, duke thënë se gjatë gjithë kohës inspektimet i ka bërë vetë. Drejtori i Infrastrukturës theksoi se edhe puna në tunel do të përfundojë brenda javësh.
Punimet në këtë rrugë patën nisur në gjysmën e vitit 2012, por u zvarritën deri sivjet, shkaku i telasheve pronësore me pompën e benzinës Kosova Petrol.
I tërë projekti kushton 5.4 milionë euro, gjysmën e të cilave i ka ndarë Ministria e Infrastrukturës.
