Barin e vendosur të mërkurën mbrëma në ‘Parkun e paqes’ mbi urën e Ibrit në Mitrovicë, punëtorët e Kompanisë ‘Hortikultura’ nga veriu i Mitrovicës, po përkujdesen ta mirëmbajnë që të duket mirë.
Ata sot që nga ora 10:00 me një cisternë janë duke ujitur këtë ‘park’, ndërsa punimet në ndërtimin e sheshit ‘Car Llazar’ kanë pushuar.
Nuk dihet arsyeja e ndërprerjes së këtyre punimeve, ndërkohë që shqiptarët e veriut kanë ndërtuar mbrëmë gjatë natës sheshin ‘Adem Jashari’ në ‘Lagjen e boshnjakëve’ në veri të Mitrovicës.
Gjatë bisedës me njërin nga punëtorët që po ujitnin parkun, pyetëm nëse po harxhohet tej mase uji i pijes dhe si pasojë po shfaqen mungesa të ujit, ai tha se “ka çu Zoti ujë boll edhe për park”.