Presidentja e Kosovës, Atifete Jahjaga ka dënuar fuqishëm djegien e flamurit të Republikës së Maqedonisë në protestën e organizuar në Prishtinë si akt të papranueshëm.
Jahjaga ka theksuar se përderisa e drejta për të protestuar është e drejtë e garantuar me kushtetutën dhe ligjet e Republikës së Kosovës për të shprehur pakënaqësi për çështje të ndryshme, aktet e këtilla të shëmtuara që kanë për qëllim nxitjen e urrejtjes janë në kundërshtim të plotë me vlerat dhe idealet që i kemi përqafuar si shoqëri demokratike.
Poashtu, Jahjaga ka kërkuar nga organet e rendit dhe të drejtësisë që të sjellin para drejtësisë kryesit e kësaj vepre. A.M
