Mandatari i bllokut politik, Ramush Haradinaj, ka thënë se epilogu i situatës së krijuar në vend dihet. Sipas tij, qeverinë e formon blloku politik: AAK, LDK dhe Nisma. Tha se ka dëshirë që edhe Vetëvendosje të jetë në ekzektuvin e ardhshëm nën udhëheqjen e tij. Haradinaj ka thënë se barrikada në veri, do të hiqet në një kohë mtë shkurtër se gjashtë muaj, ndërkaq 31 dhjetori, do të jeta dita e liberalizimit të vizave për Kosovën. Këto deklarata, ai i ka bërë në “Rubikon” të KTV’së.
Haradinaj ka thënë se edhe serbët do ta kuptojnë se çka kanë humbur me barrikadë. Ai ka thënë se as barrikada, as i ashtuquajturi Park i Paqes, nuk do të ekzistojnë më.
“Më barrikadë nuk do të ketë, edhe 6 muaj janë shumë. Nuk do të ketë as Park të Paqes, do të jetë rrugë e hapur, e pastruar e larë. Ajo që na mbetet është se do të luftojmë mosbesimin, t’i bëjmë të kuptojmë ata në veri se çka kanë humbur me ato barrikada”, ka thënë Haradinaj.
