Deputeti i PDK-së, Xhavit Haliti, përmes një postimi në rrjetin social Facebook, është shprehur optimist për fitoren e partisë së tij në zgjedhjet nacionale.
“Sonte mbajtëm mbledhje me Kryesinë, Këshillin Drejtues të Degës së PDK-së në Pejë dhe me kryetarët dhe nënkryetarët e nëndegëve”, ka shkruar Haliti.
“Në këtë takim ishte i pranishëm edhe kryetari i PDK-së, njëherësh kryeministri i Qeverisë së Republikës së Kosovës, Hashim Thaçi, si dhe drejtues të tjerë të lartë të partisë. Në cilësinë e kryetarit të Degës së PDK-së në Pejë, shpreh bindjen e fuqishme se edhe në zgjedhjet e ardhshme parlamentare, të cilat pritet të mbahen së shpejti, do të korrim fitore”, ka shkruar në Facebook, deputeti Haliti, duke postuar edhe një fotografi nga ky takim