Kryeministri i Kosovës Hashim Thaçi vlerëson se mund të jetë shkatërruese për Kosovën në rast se Këshilli i Sigurimit i OKB-së vendos për themelimin e Tribunalit ose Gjykatës Speciale për krime lufte.
“Prandaj, këshilla dhe rekomandimi im është të votohet në Kuvendin e Kosovës kjo gjykatë, në mënyrë që të funksionojë nën juridiksionin e shtetit të Kosovës”, ka thënë Thaçi.
Në këtë kontekst Thaçi ka deklaruar se Kosova duhet të lirohet nga kjo barrë e padrejtë.
Ndërkohë Thaçi është zotuar se do t’i implementoj të gjitha vendimet e marra së fundi të qeverisë.
Ai ka thënë se është për të ardhur keq që një pjesë e opozitës ka dalë kundër rritjes së pagave.
Kryetari i PDK-së është shprehur i bindur se fitorja e kësaj partie në zgjedhjet parlamentare do të jetë e sigurt, e thellë dhe bindëse.
Thaçi ka bërë me dije se në listën e PDK-së për deputetë nuk do të hyjë asnjë kandidat i cili është nën hetime për korrupsion apo krim të organizuar.er
