Po vazhdojnë problemet me lokalet afariste rreth katedrales “Nënë Tereza” në Prishtinë, pasi janë ndërprerë punimet e ndërtimit të Qendrës Tregtare, e paraparë me planin e komunës.
Kjo lëndë tashmë është në duar të gjykatësve të EULEX-it, e që sipas pronarëve të këtyre lokaleve, është e padrejtë.
Drita Rexhepi, njëra nga pronaret, ka thënë se kjo është e pakuptimtë, pasi sipas saj, këta pronarë që kanë mbajtur për një kohë të gjatë, ka disa muaj që kanë mbetur pa punë. Ndërkohë, edhe Komuna e Prishtinës thotë se është dëmtuar njëjtë si qytetarët me ndërprerjen e këtyre punimeve.
KTV-ja ka provuar të marrë një përgjigje edhe nga përfaqësues të Katedrales dhe Ipeshkvisë së Kosovës, por të njëjtit kanë qenë të angazhuar duke vizituar dhe duke ndihmuar familjet në nevojë.
