Kryeministri Hashim Thaçi ka vlerësuar lart vendimin e Asamblesë Parlamentare të NATO-së për pranimin e Kosovës si anëtare vëzhguese e saj. Thaçi ka thënë se është një hap historik dhe një vlerësim ndërkombëtar për shtetin e Kosovës.
“Është një vlerësim i strukturave verio-atlantike për hapat që ka arritur Kosova, është hapi prej më të rëndësishme të kohëve të fundit. Kjo dëshmon se tash kur edhe po themelojmë ushtrinë e Kosovës, kemi bërë edhe hapin zyrtar të fillimit të integrimit në NATO, duke vazhduar me prioritetin për paqe dhe definitivisht anëtarësimin në NATO. Pra, e sotmja dhe e ardhmja është e ardhme euro-atlantike”, ka thënë Thaçi.
