Kryetari i Partisë së Drejtësisë, Ferid Agani, thotë se janë të përgatitur për zgjedhjet e përgjithshme. Kurse, periudha më e përshtatshme për mbajtjen e këtyre zgjedhjeve, sipas tij është pjesa e dytë e muajit shtator.
Ai deklaron se qytetarët janë duke e rritë besimin në PD dhe se në këto zgjedhje do të shkojnë vetëm. Agani thotë se kanë bazë të fuqishme intelektuale dhe politike me përfaqësues kredibil, dhe nuk do të bëjnë koalicione parazgjedhor, duke e parë si më të rëndësishmen përfaqësimin në Kuvendin e Kosovës.