Pjesëtarë të njësitit të zjarrfikësve të veriut kanë vendosur të shtunën pasdite një flamur gjigant të Serbisë, si dhe dy tjerë nga të dyja anët e urës së Ibrit, afër barrikadës në veri të Mitrovicës
Mbase flamuri gjigant ka qenë i vendosur edhe më herët, por i dëmtuar nga të reshurat dhe në disa pjesë i shqyer, ai tani është vendosur i ri, ndërsa dy të tjerët nuk kanë ekzistuar më herët.
Vendosja e këtyre flamujve të Serbisë është parë si provokim nga qytetarët e jugut të Mitrovicës.
Në anën tjetër, KosovaPress ka provuar të kontaktojë përgjegjësit komunalë në veri të Mitrovicës rreth shtimit të numrit të flamujve serbë tek barrikada, por pa sukses.
