Gani Geci i tregon Thaçit se fotografia e Rugovës ishte në odën e Adem Jasharit

Kosova

Gani Geci i tregon Thaçit se fotografia e Rugovës ishte në odën e Adem Jasharit

Nga: Nehat SHAQIRI Më: 16 janar 2014 Në ora: 09:27

Gani Geci, i ka treguar kryeministrit të Kosovës, Hashim Thaçit, se fotografia e presidentit Ibrahim Rugova ishte e varur në odën e Komandantit Legjendar Adem Jasharit.

“Unë Gani Geci po të tregoj ty Hashim Thaçi e ti tregoj kujë të duash se në kullën e Komandantit Legjendar Adem Jashari ka qenë e varur fotografia e Presidentit Rugova, deri sa forcat serbe e shkatërruan ketë kullë për ta bërë muze dhe komandantin Adem Jashari për ta bërë të pa vdekshëm”, ka thënë Geci.

Geci thekson se Hashim Thaçi së bashku me një grup të LPK-së kanë ardhur nga Zvicra në fund të muajit mars të vitit 1998.

“Besoj se ju kujtohet zoti Thaçi, që jemi takua te nipi yt Xhavit Nuraku d.m.th. nja një muaj pas vdekjes së komandantit Adem Jashari dhe një fakt tjetër shumë i rëndësishëm unë bashkë me Sami Lushtakun e me Sahit Jasharin dhe me Musli Gecin e Afrim Gecin jemi nisur për Prekaz me 29 apo 30 mars 1998 dhe jemi ndal me hëngër darkë në shtëpinë e nipit të Sami Lushtakut (djalit të hallës ) së Samiut te Gashtë në fshatin Kryshevc dhe misioni për të kundërshtua presidentin Rugova ka ardh atëherë kur ti je ardh prej Zvicre me shokët e LPK -së po e them këtë, sepse kur i ka thanë Sami Lushtaku nipit të vet qohu e hiqe fotografin e Presidentit Rugova nga muri mbi oxhak në odë, nipi i ka thanë jo dajë nuk qohen kurrë se ka njerëz që e donë Ibrahim Rugovën”, thotë Geci.

Geci ja përkujton Thaçit dhe gjithë Kosovës, se aksioni i parë kundër forcave serbe në Kosovë është marr nga ai me urdhër të Komandantit Adem Jasharit.

“Aksioni i parë kundër forcave serbe në Kosovë është marr nga unë Gani Geci me urdhrin e Komandantit Adem Jashari, dhe unë kam qenë ushtarë i komandantit të përgjithshëm Ibrahim Rugova dhe komandantit legjendar Adem Jashari dhe ju zoti Hashim Thaçi e dini mirë këtë aksion edhe datën e dini po kurrë se keni përmend për faktin se është aksioni i parë kundër forcave serbe në vitin 1993, ti e ke leshu Kosovën dhe je kthye pas vdekjes së Adem Jasharit me moton ta luftojmë Ibrahim Rugovën ma tepër se Serbinë”, thekson ai.

Geci thotë se në çdo odë që ka shkuar Hashim Thaçi ka tentuar që fotografin e Presidentit Rugova ta hiq me dhunë.

“Në çdo odë ku keni shkua me dhunë e keni hequr fotografin e presidentit Rugova dhe ka pas vende ku nuk keni mundur me hequr, sepse ka pas burra që kanë thanë që kjo foto hiqet vetëm kur të vdesim na dhe nëpër ato oda, ku meshkujt e tyre ju kanë thanë nuk guxon kush me prek ketë foto e keni lan”, thotë Geci.

Ai thekson se Hashim Thaçi në Kuvendin e Kosovës e ka pruar Bill Klintonin edhe Toni Blerin, por ata kanë tregua të kundërtën që po e thotë Thaçi.

“Ata na kanë thanë në foltoren e Kuvendit se Ibrahim Rugova ishte personaliteti ma vizionar dhe trimi që kemi njohur na dhe personaliteti ma i përkushtuar për lirin, pavarësinë dhe demokracinë e Republikës së Kosovës, shikoni incizimet se unë, por edhe ti mas çlirimi e njohim Ibrahim Rugovën ma herët s’na ka ra me pa”, thotë Gani Geci.

Sot mund të lexoni Shfletoni kopertinat