Asgjësimi i armëve kimike të Sirisë në Kosovë, i sjellë vendit një pozitë super strategjike në Ballkan. Poashtu, edhe një shtytje të fuqishme ekonomiko-financiare. Por mbi të gjitha e bënë vendin tonë partner strategjik dhe Aleat të vazhdueshëm me SHBA-në dhe NATO-në.
Shkruan: Seremb GJERGJI
“Mos harroni se kush ka qenë krah jush për 100 vjetët e fundit”, tha ambasadori amerikan në shkuarje në Shqipëri z. Alexander Arvizu. Veprimi i Shtetit Shqiptar ka zhgënjyer Amerikan, por edhe NATO-në. Këtë gabim nuk guxojmë ta bëjmë ne, kur e dimë se bartja dhe shkatërrimi i tyre nuk bartin kurrfarë rreziku në vete; këtë e konfirmon edhe ushtaraku Naim Maloku – i shkolluar në kiminë-ushtarake. Sekretari amerikan i shtetit John Kerry rishtazi tha se për realizimin e këtij procesi do të merren të gjitha masat e nevojshme të sigurisë. Kur marrim parasysh se NATO është në Kosovë, kjo siguri fuqizohet edhe më shumë; sidomos pa deklaratës së Komandantit Suprem të NATO-së për Evropë Gjen. Philip M. Breedlove, gjate vizitës në Kosovë dhe Komandantit të KFOR-it Gjen-Maj. Farina për përkushtimin e kësaj trupe për liri të lëvizjes dhe ambient të qetë dhe të sigurtë. Pra, Kosova i plotëson të gjitha kushtet e sigurisë dhe një pjesë të kushteve për shkatërrimin e këtyre armëve.
Ndërsa përfitimet për Kosovën do të jenë të jashtëzakonshme si në aspektin ushtarak, ashtu edhe në aspektin ekonomik dhe politik. Ndërsa avancimi i FSK-së është pikë kyçe në këtë projekt.
Tash mbetët që Presidentja Jahjaga dhe Kryeministri Thaçi të marrin këtë vendim në interesin nacional të vendit tonë të behën vërtetë LIDER.
Përfitimet më të prekshme që në fillim të procesit nga pranimi i institucioneve tona janë:
Besohet se Kosova përfiton nga $16-20 miliard dollarë; ku në mesin e tyre janë mbi $6 miliard para të gatshme.
Menjëherë përfiton liberalizimin e vizave me SHBA-në dhe BE-në.
Avancimin e FSK-së në Forcë Mbrojtëse të Kosovës – FMK (Ushtria e Kosovës).
FSK-ja bëhet me ekipin më të sofistikuar në Ballkan dhe ndër më të mirët në Botë të shkatërrimit të armëve kimike.
SHBA do të sjellë ekspertët dhe pajisjet më të sofistikuar në fushën e shkatërrimit dhe eliminimit të armëve kimike.
Kosova bëhet faktorë Stabiliteti dhe Paqe në Ballkan dhe ndërkombëtarisht – që punon krah për krah me vendet demokratike në paqen globale.
Hapet rruga për Partneritet për Paqe me NATO-n, si hap para anëtarësimit të plotë.
Ia kthejmë fryrën dhe nderin Shqipërisë për refuzimin e bërë kohë më parë.
Përmirësimi i raporteve me Rusinë; si iniciatore e marrëveshjes për shkatërrimin e këtyre armëve.
Menaxhimi i tërë procesit do të bëhet nga Organizata e OKB-së për Parandalimin e Armëve Kimike – sipas rezolutës 2118 të Këshillit të Sigurimit.
Secila pikë është e negociueshme në favor të interesit nacional.
Hapat që duhet ndjekur
Ky është hapi më i rëndësishëm që Kosova të jep kontributin e saj në zgjidhjen e një problemi shumë serioz ndërkombëtarë – çmontimin e armëve kimike.
Kurt Volker – ish ambasadori amerikan në NATO thotë se nëse dëshiron të korrësh më shumë fryte dhe suksese, atëherë duhet të kontribuosh më shumë me punë dhe vepra. Një shancë të tillë e ka humbur Shqipëria dhe ka humbur rastin të thelloj dhe forcoj raportet me SHBA-në, shtoi ai.
Komuniteti ndërkombëtarë në Kosovë thekson se është çështje e institucioneve të Kosovës që të marrin këtë vendim. “Ata duhet të vendosin vet për interesat nacionale të shtetit tuaj”.
Si fillim, është esenciale për Kosovën që të filloi një komunikim me publiku dhe qytetarët të informohen për të gjithë procesin. Të njihen njerëzit se kur Sekretari amerikan është i përfshirë në këtë proces, nuk është lojë fotografishë dhe lojë fëmijësh. Është projekti më serioz aktual në Planet. Debati duhet të filloi nëpër komuna, në Kuvendin e Kosovës dhe debati me ekspertët e kësaj fushe, i hapë dyert këtij projekti. Ndihmesa dhe asistenca amerikane nuk duhet të mungoi.
Naim Maloku – ushtarak i shkolluar në çështjet kimike-ushtarake rishtazi në gazetën Zëri theksoi se procesi i çmontimit të këtyre armëve nuk është i rrezikshëm, dhe në qoftë se ka qenë marrëveshja që ato mbetje kimike të hiqen nga Shqipëria, atëherë nuk ka pasur asnjë problem nëse në këtë proces të shkatërrimit ka qenë edhe asistenca profesionale e NATO-së dhe SHBA-së.
Me këtë hap Kosova e forcon pozicionin e sajë në arenën ndërkombëtare, përfshi edhe Rusinë dhe bëhet faktor kyç i shumë politikave dhe strategjive afatgjate amerikane të së ardhmes. Shkatërrimi i këtyre armëve është edhe prioritet i Presidentit Barac Obama dhe si vend mik dhe aleat, Kosova duhet ta reflektojmë këtë përgjithësi.
Hapësira e shkatërrimit dhe procesi i zhvillimit të FSK-së
Furrnaltat e Trepçës në Zvecan janë ndër vendet më të përshtatshme për shkatërrimin e këtyre armëve kimike. Poashtu edhe Liqeni i Gazivodës është shumë afër që në rast nevoje do ta furnizonte projektin me ujë. Kjo nënkupton që në aspektin financiar, në këtë pjesë, do të investoheshin rreth 3-4 miliard dollarë nga i tërë projekti.
Në një intervistë për mediat amerikane ish-zëvendës ndihmës sekretari i mbrojtjes së Amerikës z. Ian Berzezinski tha se kur Sekretari Amerikan i Shtetit merr përsipër të angazhohet personalisht me një çështje që ai mendon se duhet zgjidhur, në rastin aktual janë eliminimi i armëve kimike, atëherë ai do të bëjë gjithçka që është e mundur për ta quar këtë proces përpara. Kjo do të thotë se i gjithë procesi do të ishte demokratik dhe transparent me sigurinë më të lartë.
FSK-ja ka një ekip të trajnuar për çështje bërthamore/atomike; tash do ta bënte edhe një ekip për armë kimike. Asistenca amerikane si me personel, ashtu edhe me pajisje me vlerë disa miliardësh, nuk do të mungonte për të shkatërruar këto armë. Kjo i hapë rrugë edhe kalimit të FSK-së në pjesën Veriore të vendit – një mision i përbashkët FSK-NATO-SHBA.
Kryeministri dhe Presidentja kanë për detyrë që të tregojnë LIDERSHIP dhe të udhëheqin dhe influencojnë opinionin publik në interes nacional.
Kryeministër, gjithmonë ekziston rreziku nga armët kimike, por SHBA nuk do të dëmtonte asnjë aleat dhe asnjë shtet në botë gjatë këtij procesi, veçmas popullin e Kosovës që e shpëtoi 14 vjet më parë. Sipas Sekretarit Kerry, për realizimin e këtij procesi, do të ndërmerren të gjitha masat e sigurisë për shkatërrimin e këtyre armëve, dhe fjala e tij është garanci.
Gjermania çdo vit transporton mbetje radioaktive dhe mbi 100 mijë protestues provojnë t’i ndalin trenat, por qeveria gjermane i rrahë, largon dhe burgosë këta protestues, vetëm e vetëm për të mbrojtur interesin kombëtarë.
Z. Thaçi, për Ju si Udhëheqës i Shtetit dhe për Presidenten si përfaqësuese, ky është momenti që Ju të mbaheni dhe kujtoheni në historinë e re të Kosovës si njeriu që afroi edhe më shumë Kosovën më Amerikën, në atë nivel, sa edhe për 200 vjetët e ardhshme nuk do të ligej apo zbehej kjo aleancë dhe miqësi.
(Autori është kandidat i pavarur për President të Kosovës)
