Podujevë: Rritet numri i të infektuarve me koronavirus, shkon në 22 numri i të vdekurve

Kosova

Podujevë: Rritet numri i të infektuarve me koronavirus, shkon në 22 numri i të vdekurve

Më: 25 tetor 2020 Në ora: 22:42
foto ilustrim

Gjatë 24-orëve të fundit, në Komunën e Podujevës është regjistruar një rast i ri me COVID-19.Sipas Institutit Kombëtar të Shëndetit Publik, rasti i sotit është nga fshati Llapashticë e Epërme.

Ndërkaq, në vetëm tre ditët e fundit, 27 persona kanë rezultuar pozitivë për koronavirus në këtë komunë.Se që rastet janë rritur dukshëm në javët e fundit e ka konfirmuar për Llapi.info edhe epidemiologia e Qendrës Kryesore të Mjekësisë Familjare në Podujevë, Bedri Rama.

“Sot një person ka dalë pozitiv për koronavirus. Tani numri i personave aktivë me këtë virus është rritur në 80”, ka thënë Rama.

Epidemiologia dhe Koordinatorja e Shtabit Emergjent ka thënë se në pritje të rezultateve janë edhe 83 persona.Rasti i parë në këtë komunë ishte konfirmuar më 15 mars, derisa edhe viktima e parë në Kosovë, sipas IKSHPK-së, ka qenë nga po kjo komunë. Deri më tani janë raportuar 22 viktima. Që nga fillimi i pandemisë janë testuar rreth 2700 persona nga Podujeva. Prej tyre, rreth 700 kanë rezultuar pozitivë, ndërkohë që mbi 600 tashmë janë shpallur të shëruar.

Në mbledhjen Këshilli Komunal për Siguri në Bashkësi i Komunës së Podujevës (KKSB), të mbajtur ditë më parë, është thënë se 4 mësimdhënës dhe 3 nxënës janë infektuar me virusin korona.Si pasojë e mosrespektimit të masave anti-covid, Policia e Podujevës ka gjobitur 1 mijë 168 qytetarë. Kështu ka thënë edhe komandanti i Stacionit Policor.

Në anën tjetër, Instituti Kombëtar i Shëndetësisë Publike të Kosovës tha se në 24 orët e fundit ka regjistruar 186 raste të reja pozitive me koronavirus, pas testimit të 1.049 mostrave.Brenda 24 orëve janë raportuar dy raste të vdekjes me COVID-19, duke bërë kështu që numri i viktimave të arrijë në 663.Bazuar në të dhënat e fundit, që prej shfaqjes së rasteve të para me koronavirus në Kosovë më 13 mars, numri i përgjithshëm i të infektuarve ka arritur në 17.943. Ndërkaq, raste aktive, sipas të dhënave të IKSHPK-së janë 2.192.

commentFirst article
Sot mund të lexoni Shfletoni kopertinat