Anëtarja e kryesisë së LDK-së, njëherësh asambleistja e Kuvendit Komunal të Prishtinës, Vlora Dumoshi në zyret e LDK-së ka pritur shumë të rinj të cilët problemet e tyre i adresuan në LDK.
Studentë e maturantë të Prishtinës e rrethinës shtruan dhe diskutuan shumë tema që prekin të ardhmën e tyre, si punësimin, cilësinë e shkollimit, jetën në kohë të lirë; pakënaqësitë me trajtimin e të rinjëve dhe nevojave të tyre nga pushteti komunal i Prishtinës dhe institucionet qendrore.
Të rinjtë u njoftuan nga Dumoshi për organizimin dhe programin e LDK-së, për hapësirën që kjo parti ofron për të rinjtë, për të ndërtuar një vend që ofron perspektivë; shoqëri evropiane dhe rini evropiane.
Të rinjtë e Prishtinës, çdo ditë po adresohen me besim dhe entuziazëm në Lidhjen Demokratike, si parti e vlerave dhe e qeverisjes së mirë.
Dumoshi, së bashku me Sami Salihu kryetarin e degës së katërt të Forumit të Rinisë të LDK-së konstatuan se besimi i shtuar i të rinjëve në LDK dhe në forumin e saj rinor, dhe bashkëbisedimi me të rinjtë janë vlerë e shtuar e LDK-së.
LDK është e përkushtuar për të rinjtë dhe është e përgjegjshme të punojë së bashku me ta për të ardhmen e tyre.
