Fëmijët janë të rrezikuar edhe me vdekje nga gripi: Prindër, kujdes nga simptomat

Këshilla mjekësore

Fëmijët janë të rrezikuar edhe me vdekje nga gripi: Prindër, kujdes nga simptomat

Më: 27 janar 2018 Në ora: 20:43
Ilustrim

Gripi vetëm në këtë vit ka vrarë dhjetëra apo qindra fëmijë anë e mbanë botës, dhe normalisht se shumica e prindërve janë të nervozuar me virusin.

Historitë e fëmijëve që po vdesin nga gripi po bëhen publike edhe në internet. Më e fundit është ajo e Dylan Winnik, 12 vjeçar nga Florida i cili kishte vdekur të martën nga gripi, vetëm dy ditë pasi kishte pasur simptoma të ftohjes.

Njerku i Dylanit, Mike Medwin, thotë se fëmija kishte qëndruar në shtëpi nga shkolla sepse ndihej i lodhur dhe i shkonte hunda. Familja e kishte zbuluar se kishte temperaturë normale gjatë ditës së marte, por pak orë më vonë ai kishte vdekur.

“Mos e trajtoni si asgjë gripin”, ka thënë Medwin.

Interneti është i mbushur me histori të ngjashme, dhe këto histori po i tmerrojnë prindërit të cilët janë të gatshëm të bëjnë çmos për t’i mbrojtur fëmijët.

Simptomat e gripit te fëmijët janë thuajse krejtësisht të ngjashme me ato të të rriturve.

Këto simptoma përfshijnë ethet, ftohjen, dhimbjet e muskujve, kollin, dhimbjet e kokës, lodhjen, etj.

Fëmijët gjithashtu mund të kenë diarre dhe vjellje, thonë ekspertët.

Veç kësaj, simptomat janë paksa ndryshe te bebet. Kryesisht bebet kanë ethe, koll dhe shumë mukozë – e gjithashtu nuk hanë shumë sepse vuajnë nga skuqja e fytit.

Nëse fëmija juaj zhvillon njërën nga simptomat, menjëherë shkoni te doktori.

commentFirst article
Sot mund të lexoni Shfletoni kopertinat