Disa ushqime mund të ndalojnë efektin e ilaçeve, ose në rastin më të keq mund të kenë efekte anësore të rrezikshme.
Dr.Aisling Hillick, ka treguar për agjencinë e lajmeve "Mirror" se cilat janë këto ushqime:
Bananet
Bananet duhet t`i shmangni nëse merrni ilaçe për rregullimin e presionit të gjakut, pasi bashkëveprimi i tyre mund të shkaktojë nivele të larta kaliumit.
Limoni i gjelbër
Nëse jeni duke marrë ilaçe për kollë, atëherë mos hani limona të gjelbër dhe portokall sepse mund të shkaktoni mbidozë të dekstrometorfanit dhe të keni efekte anësore si halucinacione apo të qenët i përgjumur.
Alkooli
Shmangni alkoolin nëse jeni duke marrë ilaçe diabeti ose qetësues. Këto ilaçe shpesh kanë një paralajmërim për të shmangur alkoolin. Kjo është për shkak se ai ushtron presion mbi mëlçinë tuaj duke rritur rrezikun e dëmtimit të saj.
Kafeja
Kafenë nuk duhet ta konsumoni nëse merrni ilaçe për të trajtuar astmën. Kafeina e tepërt mund të shkaktojë nervozizëm dhe paqëndrueshmëri.
Zarzavatet me gjethe
Shmangni nëse ju merrni antikoagulant. Ato kanë shumë vitaminë K, ndërsa ilaçi është projektuar për të parandaluar prodhimin e vitaminës K, kështu që nëse hani më shumë nga këto perime, ato do të ndërhyjë me efektin e antikoagulantit.
Qumështi
Shmangni përdorimin e qumështit nëse ju merrni antibiotikët sepse ai do të ndërhyj në mënyrën se si këto medikamente do të pranohen nga trupi, duke ulur efektin e tyre.
Salmoni i tymosur
Salmoni i tymosur nuk duhet të konsumohet nga pacientët të cilët përdorin antidepresivë. Problemi qëndron në faktin se të dyja përmbajnë tyraminë, dhe përziera e salmonit me antidepresivë mund të shkaktojë nivelet të lartë të këtij kimikati, gjë që çon në presionin e lartë të gjakut.
