Një analist nga Kosova që sapo ka përfunduar një program për marrëdhëniet transatlantike në Shtetet e Bashkuara, vlerëson anëtarësimin e Kosovës në UEFA dhe propozimin për liberalizimin e vizave, si zhvillime shumë të rëndësishme për vendin. Faton Bislimi që sapo ka përfunduar një program me organizatën German Marshall Fund në Uashington, tërheq vëmendjen që qytetarët e Kosovës të mos e keqpërdorin liberalizimin e vizave, ndërsa përsa i takon ankesës së Serbisë për anëtarësim në UEFA, thotë se ajo tregon se Beogradi nuk po tregon vullnet për të zbatuar marrëveshjen me Prishtinën.
