Publicisti Ilir Ikonomi ka publikuar disa dokumente që sipas tij tregojnë komunikimin e parë mes shtetit shqiptar dhe atij amerikan.
Ai ka thënë se në arkivin austriak ndodhet letra, që Princ Vidi i dërgonte presidentit amerikan Woodrow Wilson më 8 maj 1914 nga Pallati i Durrësit.
“Interesi që keni treguar gjithmonë ndaj vendit tim, – shkruan Vidi, – më bën të shpresoj se do të më akordoni miqësinë tuaj dashamirëse për të forcuar pozitën ndërkombëtare të shtetit të ri, i cili është i destinuar të luajë një rol të rëndësishëm në ekuilibrin e Ballkanit”, ka shkruar Ikonomi në profilin e tij në Facebook.
