Motrat Bislimi, Eminja dhe Shqipja, pak kush që nuk i njeh në qytetin e Ferizajt sidomos nga gjeneratat e vjetra. Ato kanë qenë hendbolliste të dëshmuara në periudhën e viteve të 80-ta kur luanin në petkun e ish Borcit, tani KHF Kastrioti.
Si Shqipja si Eminja, ishin makineri e ekipit që atëkohë mburrej me to qytet. Kalibër si këto lojtare ende nuk ka në qytetin e Ferizajt, kështu disa nga gjeneratat e vjetra.
Nga libri i prof. Ismet Jupës
Fundja, motrat që rrjedhin nga një familje sportistësh, Adem Bislimi ka qenë lojtar që i takon gjeneratës së artë të KH Borcit, kurse Jeton Bislimi, portier i futbollit dhe tani është talenti i madh Uran Bislimi që luan për të rinjtë e FC Baselit. Ku janë motrat e shquara të asaj kohe? Shqipja jeton e vepron në Gjermani, kurse Eminja është anëtare e kryesisë së KHF Kastriotit.
Shqipja ka edhe burrin trajner të futbollit, pra është Ramiz Krasniqi dhe fëmijët sportistë. Arjeta është futbolliste, Astriti dhe Arjetoni janë futbollistë.
