Ka kohë që i mungon sportit të Kosovës. Ka qenë prej hendbollisteve më teknike që ka pasur vendi ynë. Është fjala për gjilanasen Mimoza Xhemailin e cila tash e një kohë është në Shtetet e Bashkuara të Amerikës.
Edhe trajnerët shumë herë kanë thënë se Mimoza ka qenë prej lojtareve më intelegjente dhe që ka pasur shkathtësi për ta vendosur ndeshjen në momentet më të vështira. Fundja, ka qenë motor i ekipit kudo që ka luajtur si në Dritë, Viciane, Kastrioti, Prishtinë etj. Ajo ka kohë që është martuar me amerikanin Livingston dhe në fakt edhe ia ka pa hairin. Tani jeton një jetë të qetë dhe ka planet e saja, por a do t’i kthehet punës si trajnere të ardhmen në Kosovë, mbetet që të shihet.