Krahas garave të senioreve, Federata e Hendbollit të Kosovës organizon garat edhe për grupmoshat e reja. Për grupmoshën e kadeteve, garat për edicionin 2017/18 kanë përfunduar.
Te kadetet, kampionati përfundoi këtë fundjavë. Kampione u shpall Shqiponja që në 14 ndeshje mblodhi 26 pikë. Në vendin e dytë mbeti Prishtina me 22 pikë, sa i ka edhe Istogu në vend të tretë.
Medaljet për vashat e KH Shqiponja i ndau anëtari i Bordit të FHK-së Berat Dana, ndërsa kupën kapitenes së KH Shqiponja ia dorëzoi anëtari i Bordit z.Artan Nimani.
