Ish kryetari i klubit të hendbollit Kastrioti nga Ferizaj (meshkujt), Gëzim Kokollari, ka deklaruar në lidhje me krizën e rëndë që kalon klubi me renome të madhe. Ai ka dhënë versionin e tij se si ka ardhur KH Kastrioti në gjendje të rëndë dhe madje duke akuzuar edhe kryesinë e dy viteve të fundit të klubit.
“Siç duket investimet në KH Kastrioti dy viteve të fundit janë të lidhura ngushtë me lejet e ndërtimit në Ferizaj.
Prej që kryetari Aliu i pezulloi lejet e ndërtimit kryesia u tërhoq nga Klubi.
Siç duket kryesia e dy viteve të fundit KH Kastriotin e përdori për pazare me leje? Me leje të ndërtimit.
Nëse është kështu krejt ky pazar po bëhet në dëm të qytetarëve ferizajas”, tha Kokollari për gazetën kombëtare “Bota sot”. Krejt në fund tha, sa ishte kryetar asnjë rrogë nuk i ka mbetur borxh lojtarëve.
