Gjilani iu bën thirrje qytetarëve që t’i shlyejnë borxhet deri më 2 shtator

Gjilani

Gjilani iu bën thirrje qytetarëve që t’i shlyejnë borxhet deri më 2 shtator

Më: 25 gusht 2016 Në ora: 09:56
Qyteti i Gjilanit

Komuna e Gjilanit, përkatësisht Drejtoria për Buxhet dhe Financa, ka apeluar qytetarët që t’i shfrytëzojnë edhe këto pak ditë deri më 2 shtator për kryerjen e obligimeve që i kanë ndaj komunës sipas ligjit mbi faljen e borxheve.

Drejtori për Buxhet dhe Financa, Zijadin Maliqi, është shprehur se nëse qytetarët e Gjilanit nuk i kryejnë obligimet deri në datën e vendosur nga Qeveria, atëherë do të veprohet përmes përmbaruesve privat.

“Deri tani ky proces ka shkuar mjaftë mirë, por shfrytëzoj rastin që t’u bëjë thirrje qytetarëve të Gjilanit që t’i shlyejnë obligimet që i kanë ndaj Komunës deri në afatin e fundit që është 2 shtator 2016.

Përndryshe, pas kësaj date, jemi të veprojmë përmes përmbaruesve privat dhe këtë ne nuk e dëshirojmë. Përfituesit më të mëdhenj nga ky ligj janë vetë qytetarët”, ka thënë Maliqi.

Sot mund të lexoni Shfletoni kopertinat