Ambasada e Kosovës në Gjermani deklarohet për dy fëmijët e zhdukur

Gjermania

Ambasada e Kosovës në Gjermani deklarohet për dy fëmijët e zhdukur

Më: 20 prill 2018 Në ora: 22:16
13-vjeçari Q. N. dhe 11-vjeçari L. N.

Ambasada e Republikës së Kosovës në Gjermani ka konfirmuar se ka pranuar informatën se dy fëmijë shqiptarë që jetojnë atje kanë rezultuar të zhdukur.

Sipas ambasadës, janë në kontakt të vazhdueshëm me autoritetet e Policisë gjermane e cila po i kërkon fëmijët që janë humbur nga  mëngjesi i së enjtes.

Fëmijët në fjalë kanë qenë të lajmëruar me vendbanim të fundit në Borsdorf afër Leipzigut.

“Fatkeqësisht deri me tani autoritetet gjermane nuk kanë arritur të i gjejnë 13-vjeçarin Q. N. dhe 11-vjeçarin L. N. të cilët janë nga Kosova”, thuhet në njoftimin e Ambasadës.

Kujtojmë, se dy të miturit ishin nisur për në shkollë, por nuk mbërritën kurrë, të paktën kështu kishte deklaruar në polici njëri prej prindërve të tyre.

commentFirst article
Sot mund të lexoni Shfletoni kopertinat