Sot është mbajtur takimi i parë i kryetarëve të Këshillave Lokale të Komunës së Gjakovës, që është kryesuar nga Luan Gola, kryesues i Asamblesë Komunale. Në këtë takim kryesuesi Gola i ka njoftuar kryetarët e këshillave me punën dhe aktivitetin që do të jetë primar për të gjithë të zgjedhurit në bashkësitë lokale.
Kryetarët e Këshillave Komunale u pajisen edhe me certifikata të regjistrimit për legjitimitet të tyre për veprim, ndërsa u njoftuan edhe me orarin i aktiviteteve që do të zhvillohen në bashkësitë lokale dhe në fshatra, siç është rasti me organizimin e dëgjimeve publike për buxhetin e vitit 2017.