Kryetarja e komunës së Gjakovës Mimoza Kusari – Lila, ka pritur sot në një takim njohës ambasadoren e Kroacisë në Kosovë Marija Kapitanoviq.
Sipas një njoftimi, thuhet se në takim është biseduar për zhvillimet në komunën e Gjakovës, që nga periudha e paraluftës e deri me sot. Kryetarja Kusari – Lila e ka njoftuar ambasadoren Kapitanoviq edhe dhe për angazhimin e qeverisjes lokale për përmisimin e jetës së qytetarëve në këtë komunë. Kusari – Lila e ka njoftuar ambasadoren për të gjitha sukseset, sfidat por edhe problemet me të cilat po ballafaqohet komuna e Gjakovës.
Nga ana tjetër, ambasadorja Kapitanoviq, ka shprehur entuziazmin e saj për të gjitha zhvillimet pozitive në komunën e Gjakovës, ndërsa ka përmendur kthimin e komunës së Gjakovës në një komunë transparente para qytetarëve dhe në një komunë pa korrupsion e pa krim të organizuar, komunë shembull edhe për komunat tjera. Kapitanoviq dhe Kusari – Lila gjithashtu janë akorduar që ditët në vazhdim të shikojnë mundësi për bashkëpunime konkrete në mes të komunës së Gjakovës dhe komunave apo bashkive të ndryshme në shtetin kroat.
