Kampioni në fuqi, Drita nga Gjilani, thyen serinë e zezë të rezultateve, pas katër humbjeve iu kthehet fitoreve. Drita shënoi fitore me rezultat minimal 1:0 kundër skuadrës me renome Prishtinës, në derbin e javës së 6-të të elitës së futbollit të Kosovës. Në minutën e 59-të, pas një veprimi nga krahu i djathtë, topi arriti deri te Arbër Shala, i cili nga afërsia gjuajti fuqishëm dhe shënoi për fitoren e Dritës. Në minutën e 80-të, Liridon Leci ndëshkohet me kartonin e dytë të verdhë dhe u përjashtua nga loja, duke lënë Dritën me një lojtar me pak.
Drita megjithëse ishte me një lojtar me pak, ia doli ta ruajë fitoren. Duhet theksuar se në minutën e 27-të, Prishtina ka qenë e pafat, kur Meriton Korenica goditi fortë, por topi ndalet nga tërthorësja. Ferizaj si vendas dështoi, duke pësuar humbje si vendas me rezultat 2:0 nga Gjilani. Wilder Perez shënoi në minutën e 62-të dhe Edon Sadriu (87’).
Superliga e Kosovës
Liria-Llapi 2:3
KEK-u-Drenica 2:4
Ballkani-Trepça '89 0:0
Flamurtari-Feronikeli 1:3
Ferizaj-Gjilani
Drita-Prishtina
Tabela
1. Feronikeli 6 4 2 0 14
2. Llapi 6 4 1 1 13
3. Flamurtari 6 4 1 1 13
4. Prishtina 6 3 2 1 11
5. Gjilani 6 3 1 2 10
6. Drenica 6 2 3 1 9
7. Ballkani 6 2 2 2 8
8. Trepça '89 6 1 3 2 6
9. Liria 6 2 0 4 6
10. Drita 6 2 0 4 6
11. Ferizaj 6 1 1 4 4
12. KEK-u 6 0 0 6 0
Në javën e 7-të do të takohen: Feronikeli-Liria, Llapi-KEK-u, Gjilani-Drita, Trepça '89-Ferizaj, Drenica-Ballkani dhe Prishtina-Flamurtari.
