Në renditjen që publikohet çdo muaj nga FIFA, vërehet përmirësim për dy përfaqësueset e shqiptarëve.
Kosova e ka nisur mirë Ligën e Kombeve, duke marrë katër pikë nga dy ndeshje.
Kjo i ka ndihmuar Dardanët që të kenë edhe ngritje në renditjen e FIFA-s, ku nga pozita 141 që ndodheshin një muaj më parë, tani janë në vendin e 138-të.
Përmirësim ka edhe për Shqipërinë që ka realizuar një fitore dhe ka humbur në takimin tjetër të Ligës së Kombeve.
Kuqezinjtë kanë fituar një vend dhe tani renditen të 57-tët.
Belgjika e kryeson renditjen e ndjekur nga kampioni i Botës, Franca. Top 10-shin e mbyllin, Brazili, Kroacia, Uruguai, Anglia, Portugalia, Zvicra, Spanja dhe Danimarka.